मतलब के संघतिया

विद्या शंकर विद्यार्थी 

बनल के संघतिया मिल जालन, 

बिगड़ल के इयार ना मिलस 

भरोसा तऽ बहुत लोग देलन इहाँ

समय पर केहू तइयार ना मिलस

घर गिरावे के होखे त मिल जालन

पलानी उठावे के लोग तइयार ना मिलस 

आग धरावे के होखे त मिल जालन 

डाढ़ा बुतावे के होशियार ना मिलस 

इहे सोचे समझे के बा दरकार के दुनिया में 

मिलेलन संघतिया एगो कहीं 

गाँव टोला जवार ना मिलस 

ना गिरल होखीं त देख लिहीं गिर के दुनिया में 

हबकुरल के हाथ लगावे के कबो तइयार ना मिलस।