शादी के सालगिरह प भइया भउजी के बधाई ,
हमहुँ खायेब मिल बाँट के खुबे आज मिठाई ।
आज के दिनवे त बड़ी खुशी आइल बा
कोर आँचरा के जोड़ गाँठ बन्हाईल बा ।।
भइया मोरा राम चन्द्र भउजी बाड़ी सीता
एकदूजा के पहचान हउवें दिल के जीता
आंगन चहकत चिरइया जस सुनाइल बा ,
कोरा आँचरा के जोड़ गांठ बन्हाईल बा ।।
ईश्वर से करीं विनती हम खूब नीमन उ रहें
सुख भा दुख होखे संगे मिलके उ त$ सहें
रूप देखी के अंजोरिया चान सरमाइल बा
कोरा आँचरा के जोड़ गांठ बन्हाईल बा ।।
शैलेन्द्र कुमार तिवारी
